Հայաստանի ընտրանին առաջընթաց է ապրել. Տոշակ

Մակեդոնիայի հավաքականի գլխավոր մարզիչ Ջոն Տոշակի մամուլի ասուլիսը շատ կարճ տեւեց, պատասխաններն էլ հակիրճ էին:

Լրագրողներին ամենից շատ հուզում էր, թե ինչպես է Ջոն Տոշակը լրացնելու թիմի ավագ և առաջատար Գորան Պանդևի բացը: Ուելսցի մասնագետն ասաց, որ նախորդ հանդիպումը հավաքականն արդեն խաղացել է առանց Պանդևի, և նրա բացակայությունը տակտիկապես չի ազդի թիմի խաղի վրա:

Ինչ վերաբերում է խմբում տիրող իրադրությանը, Տոշակն ասաց հետևյալը. «Հայաստանի ընտրանին առաջընթաց է ապրել և հիմա մեր խմբում Ռուսաստանի, Իռլանդիայի և Սլովակիայի հավաքականների հետ մեկտեղ հնարավորություն ունի հայտնվելու Եվրո-2012-ի եզրափակիչ փուլում»:

Հարցին, թե Տոշակը Հայաստանի հավաքականից ո՞ւմ կառանձնացնի, պատասխանեց` ողջ թիմին:

Մարզիչը հումորով վերաբերվեց մամուլում հայտնված ասեկոսեներին, ըստ որոնց` Հայաստանին հաղթելու դեպքում Մակեդոնիային կպարգևատրվեն: Նա ծիծաղելով ասաց. «Տվեք ինձ ռուսների համարը»:

Թուրքիայի վարչապետի խոստումը չմեկնաբանեց` ասելով որ ինքը 2 տարի աշխատել է Թուրքիայում, սակայն վարչապետին չի ճանաչում: