Ռուսաստանը եւ Չինաստանը` հօգուտ Սիրիայի

Երեկ Ռուսաստանը եւ Չինաստանը վետո են դրել ՄԱԿ-ի Անվտանգության խորհրդի` Սիրիայի դեմ միջազգային լուրջ պատժամիջոցներ կիրառելու մասին բանաձեւի վրա:

Քվեարկության արդյունքում 9 պետություն կողմ է եղել պատժամիջոցներին, երկուսը` Ռուսաստանը եւ Չինաստանը` դեմ, Հնդկաստանը, Հարավային Աֆրիկան, Բրազիլիան եւ Լիբանանը ձեռնպահ են մնացել. տեղեկացնում է mignews.com-ը:

Քվեարկությունից հետո ՄԱԿ-ում ՌԴ մշտական ներկայացուցիչ Վիտալի Չուրկինը հայտարարել է, որ իր երկիրը չի պաշտպանում Սիրիայի նախագահ Բաշար Ասադի վարչակազմին եւ կատարվող բռնությունները, սակայն դեմ է բանաձեւին, քանի որ այն չի ուղղված հակամարտության խաղաղ կարգավորմանը: Նաեւ առաջարկել է դարձյալ քննության առնել բանաձեւի` Ռուսաստանի առաջարկած նախագիծը: