Հայաստանի և Ռուսաստանի հավաքականները Բաքվում կբնակվեն հատուկ հսկողությամբ բազայում

Շատ լուրջ անվտանգության միջոցառումներ կձեռնարկվեն Բաքվում սեպտեմբերի 26-ին կայանալիք աշխարհի առաջնության ժամանակ: Ինչպես հաղորդում է azerisport.com-ը, հատուկ հսկողություն կսահմանվեն հատկապես Հայաստանի և Ռուսաստանի բռնցքամարտիկների համար։

«Այժմ Ռուսաստանի հավաքականը գտնվում է մերձմոսկովյան Չեխովում, որտեղ անցկացնում է ուսումնամարզական հավաք։ Բաքու մենք կմեկնենք սեպտեմբերի 23-ի առավոտյան։ Ըստ Ադերբեջանի բռնցքամարտի ֆեդերացիայի և մարզական ղեկավարության հետ պայմանավորվածության` աշխարհի առաջնության ժամանակ Հայաստանի և Ռուսաստանի հավաքականները կբնակվեն բոլոր թիմերից առանձին` քաղաքի սահմաններում գտնվող հատուկ հսկվող մարզաբազայում։ Պատճառները պարզ են` քաղաքական նկատառումներից ելնելով: Ռուսաստանի հավաքականում կան երկու բռնցքամարտիկներ հայկական ազգանուններով։ Սակայն Ադերբեջանի և Հայաստանի միջև բաց էթնոքաղաքական կոնֆլիկտներն արդեն անցյալում են, սա ուղղակի մեզ ապահովագրելու համար է արվում»,- հայտարարել  է Ռուսաստանի բռնցքամարտի ֆեդերացիայի գործադիր տնօրեն Եվգենի Սուդակովը։