ՀՐԱՊԱՐԱԿ. Այսպիսի բաներ, պարո’ն նախագահ

Սիրված երգիչ Արամ Ասատրյանի որդին` Տիգրան Ասատրյանը, որ տարիներ առաջ մեկնել է ԱՄՆ, փորձում է այնտեղ քաղաքացիություն ստանալ: Ինչպես հայտնի է, մեր հայրենակիցներից շատերը դա անում են սեփական պետությունը սեւացնելու, իրենց քաղաքական հալածյալ ներկայացնելու եւ Հայաստանում ապրելու անհնարինությունը ապացուցելու ճանապարհով:

Օրերս մեզ էին ուղարկել Տիգրան Ասատրյանի նամակ-հոդվածը եւ խնդրում էին տպագրել, թեկուզ` վճարովի գովազդի ձեւով: Հոդվածում Ասատրյանն այնպիսի Հայաստան էր նկարագրել, որտեղ, իհարկե, ապրելն անհնարին կլիներ, եւ կարդացողը, կարեկցանքից դրդված, քաղաքական ապաստան կտար նրան: Նաեւ գրված էր, որ երգչի որդին, որը նույնպես երգում է, դեմ է Սերժ Սարգսյանի` ԱՄՆ այցելությանը: Նա միացել է ամերիկահայերի ստորագրահավաքին, որով կոչ են անում արգելել նրա մուտքը երկիր: