ԺՈՂՈՎՈՒՐԴ. Քրեական գործն անհետացել է

Թերթի տեղեկություններով` առաջին ատյանի դատարանից ՀՀ Վճռաբեկ դատարան մտնելու փուլում անհետացել է ցմահ ազատազրկման դատապարտված Արմեն Տեր-Սահակյանի քրեական գործը: Սա հետաքրքրական է նրանով, որ Տեր-Սահակյանի «բանդայի» գործով բազմաթիվ մարդիկ են անցնում, այդ թվում` ՀՀ նախկին ՆԳ նախարար Վանո Սիրադեղյանը, ով մինչ օրս հետախուզման մեջ է:

Հաշվի առնելով այն հանգամանքը, որ ՀՀ դատական դեպարտամենտից երբեւէ չեն արձագանքում թերթի հարցումներին, սույն տեղեկատվությունն առաջարկում ենք ընդունել որպես պաշտոնական գրություն: ՀՀ դատական դեպարտամենտին խնդրում ենք նաեւ պարզաբանել, թե ինչպես է հնարավոր, որ անհետանա նման կարեւոր գործը, եւ ինչ հետեւանքներ կարող է այն ունենալ դատապարտյալների ու գործով հետախուզվողների վրա: