Ապահովության երաշխիքներ` "Եվրատեսիլին" մասնակցելու համար

Հանրային հեռուստառադիոընկերության խորհրդի նախագահ Ալեքսան Հարությունյանը հայտարարել է, որ Բաքվում «Եվրատեսիլի» կազմակերպման հետ կապված շատ խնդիրներ կան. «Հուսանք` ամեն ինչ լավ կլինի, և մեր հարևանները կկարողանան նորմալ կազմակերպել մրցույթը, բայց, «Եվրատեսիլի» անցկացման տեղի հետ կապված, քննարկվում են նաև պահեստային տարբերակներ»:

Հարությունյանը նշեց նաեւ, որ հայկական կողմն արդեն դիմել է Եվրոպական հեռարձակողների խորհուրդ և ապահովության երաշխիքներ պահանջել:

«Մինչև դեկտեմբեր պետք է որ ունենանք այդ երաշխիքները, և մեր 30 հոգանոց պատվիրակությունը առանց խնդիրների կմասնակցի մրցույթին»,- ասաց Հարությունյանը: