Թուրքիայում դարձյալ զինվորականներ են ձերբակալվել

Երեկ Թուրքիայում դատարանը փոխծովակալի եւ երկու գնդապետի ձերբակալման թույլտվություն է տվել:

Ինչպես տեղեկացնում է Аnadolu գործակալությունը, ձերբակալությունն իրականացվում է «Բալյոզ» գործողության մասնակիցներին վնասազերծելու շրջանակներում: Այդ գործով արդեն ձերբակալվել է բանակային գեներալների տասներորդ մասը:

Փոխծովակալ Դենիզ Քորան ձերբակալվել է երեկ եւ դատապարտվելու է նավատորմի ղեկավարության սպանությունը նախապատրաստող հանցագործ խմբավորման հետ կապեր ունենալու մեղադրանքով: Իսկ գնդապետները ձերբակալվել են 2003-ին պետական հեղաշրջման փորձ իրականացնելու մեղադրանքով:

Իշխող «Արդարություն եւ զարգացում» կուսակցությունը հայտարարում է, որ դավադրությունը սկզբնավորվել է 2002-ի ընտրություններում իրենց հաղթանակից անմիջապես հետո: