Արթուր Աբրահամը Վիկ Դարչինյանին հաջողություն է մաղթում

Գերմանիան ներկայացնող հայ պրոֆեսիոնալ բռնցքամարտիկ Արթուր Աբրահամը ողջունում է Վիկ Դարչինյանի` սեպտեմբերի 3-ին նախանշված Վիկ Դարչինյան-Էվանս Մբամբա մրցամարտը Հայաստանում անցկացնելու նախաձեռնությունը եւ նրան մաղթում է հաջողություն:

«Հարգելի' Վախթանգ, ողջունում եւ բարձր եմ գնահատում Հայաստանում մրցամարտ անցկացնելու նախաձեռնությունդ` մաղթելով հաջողություն: Համոզված եմ, որ սեպտեմբերի 3-ին քո վարպետությամբ կփայլես, ինչին, անշուշտ, կնպաստի հայրենի հողի ջերմությունը եւ մեր հայրենակիցների քաջալերանքը: Քո հաղթանակները տոն են դառնում ոչ միայն բռնցքամարտի սիրահարների, այլեւ համայն հայության համար: Սպասում ենք հերթական դիտարժան մրցելույթիդ եւ հաղթանակիդ»,- նշում է Արթուր Աբրահամը: