Նոր հյուրանոց՝ Շուշիում

Արցախի հյուրանոցների թիվն ավելացավ եւս մեկով:

Երեկ Շուշիում տեղի է ունեցել «Ավան Շուշի Պլազա» հյուրանոցի բացման արարողությունը, որին մասնակցել է նաեւ Արցախի նախագահ Բակո Սահակյանը: Նախագահը կարեւորել է միջազգային չափանիշներին համապատասխանող հյուրանոցի նշանակությունը  հանրապետությունում զբոսաշրջության զարգացման տեսանկյունից:

Ինչպես հայտնում են նախագահի աշխատակազմի տեղեկատվության գլխավոր վարչությունից, նախագահը երախտագիտություն է հայտնել սփյուռքահայ բարերարներին այս նախաձեռնությանն օժանդակելու համար` ընդգծելով համայն հայության ջանքերի համախմբման կարեւորությունը Արցախի, հատկապես` Շուշիի զարգացման գործում: