ՀԱՅԿԱԿԱՆ ԺԱՄԱՆԱԿ. Լեզվի հարվածով

Երևանի քաղաքապետի մամուլի քարտուղար Շուշան Սարդարյանը երեկ մեր թղթակցի հետ զրույցում ասել է, որ կրպակների ապամոնտաժման հիմքում գրավոր փաստաթուղթ չկա:Կա ընդամենը Երևանի քաղաքապետի բանավոր հանձնարարական:Սա Երևանի քաղաքապետի մամուլի քարտուղարի պարզաբանումն է:Շուշան Սարդարյանն ընդունել է նաև, որ կոնկրետ կրպակները ապամոնտաժելու որևէ այլ իրավական հիմք չկա:Իսկ քաղաքապետ Կարեն Կարապետյանը երեկ կառավարության նիստում փորձել է տպավորություն սռեղծել, թե ապամոնտաժվում են միայն լքյալ և չաշխատող կրպակները:Փաստն այն է, սակայն, որ այս ընթացքում ապամոնտաժման մասին ծանուցում են ստացել բազմաթիվ աշխատող և օրինական կերպով տեղադրված կրպակներ, որոնք կրպակատերերի ապրուստի միակ միջոցն են: