Կրպակների ապամոնտաժումը կշարունակվի

Մայրաքաղաքում շարունակվելու է  անօրինական կամ հողի վարձակալության պայմանագրի ժամկետը լրացած այն կրպակների եւ  տաղավարների ապամոնտաժումը, որոնք տեղկայված են  Կենտրոն վարչական  շրջանի  կենտրոնական փողոցներում եւ Կենտրոն մտնող այլ կենտրոնական փողոցներում:  

Վարձակալության ժամկետները չլրացած, վարձակալության պայմանագրերի առկայության դեպքում կքննարկվեն այլընտրանքային տարբերակներ:

Գործող պայմանագրերի  ժամկետները  չեն երկարձգվելու:

Երեւան քաղաքում նոր կրպակների կամ տաղավարների համար հողատարածքներ չեն տրամադրվելու, բացառությամբ մամուլի կրպակների: 

Հիշեցնենք, որ մայրաքաղաքի տարբեր փողոցներում կրպակներ ունեցող քաղաքացիները իրենց դժգոհությունն էին հայտնել քաղաքապետարանի այս որոշման առնչությամբ եւ բողոքի ակցիաներ կազմակերպել Երեւանի քաղաքապետարանի առջեւ: