Երկու մահապարտ իրենց պայթեցրել են

Իրաքի Թիկրիտ քաղաքի կենտրոնում գտնվող Rafidain բանկի մոտ, որտեղ աշխատավարձ ստանալու համար հավաքված են եղել զինվորականներ ու ոստիկաններ, երկու պայթյուն է որոտացել:

Ինչպես հաղորդում է Reuters-ը, նախ մահապարտներից մեկը մեքենա է պայթեցրել, իսկ երբ ոստիկանները, ահազանգ ստանալով, դեպքի վայր են եկել, մեկ ուրիշ մահապարտ է ինքն իրեն պայթեցրել:

Շրջանի առողջապահական հարցերի գծով պատասխանատու Ռայեդ Իբրահիմն ասել է, որ զոհվել է 12 հոգի, 28-ը վիրավոր են:

Թիկրիտը, որտեղ ծնվել է  Իրաքի` կախաղան հանված նախկին նախագահ Սադամ Հուսեյնը, մշտապես եղել է ընդվզումների կենտրոն: Այս տարվա հունիսին նույնպես երկու պայթյուն էր եղել, զոհվել էր 30 մարդ: