Հայաստանի հետ արեւելյան սահմանը, ի վերջո, կբացվի. Դավութօղլու

Հայաստանի հետ արեւելյան սահմանը, ի վերջո, կբացվի անդրսահմանային փոխադրումների համար. հայկական հասարակական կազմակերպությունների ներկայացուցիչների հետ Անկարայում հանդիպման ժամանակ հայտարարել է Թուրքիայի արտգործնախարար Ահմեդ Դավութօղլուն:

«Ցավոք, նախարարը ոչ մի կոնկրետ ամսաթիվ չի նշել, սակայն ես երաշխիքներ եմ ստացել, որ թուրքական կողմն անհրաժեշտ քայլեր կիրականացնի այդ նպատակին հասնելու համար: Մենք Թուրքիայի արտգործնախարարին տեղեկացրինք, որ հայ հասարակությունը եւ նույնիսկ միջազգային հանրությունը Թուրքիայից նոր քայլեր են սպասում: Այնպես որ` այս խաղում գնդակը թուրքական կողմում է, եւ Հայաստանը սպասում, որ Թուրքիան այն խաղի մեջ մտցնի»,- ըստ Commonspace.eu կայքի` ասել է Հայաստանի արդյունաբերողների եւ գործարարների միության նախագահ Արսեն Ղազարյանը: