Կարծախում տոնել են Ջիվանու 165-ամյակը (տեսանյութ)

Ախալքալաքի շրջանի Կարծախ գյուղում նշվել է Ջիվանու 165-ամյակը:

Տոնակատարությունը համախմբել է ոչ միայն ջավախքցիների, այլեւ աշուղական երգի սիրահարների ե՛ւ Հայաստանից, ե՛ւ արտերկրից: 

Հայաստան տատիկն արդեն 57 տարի է` բնակվում է Կարծախում, այն տանը, որտեղ ծնվել ու մեծացել է աշուղ Ջիվանին: Նա Ջիվանու ծոռան` Պավլուշ Բանգոյանի կինն է ու ամուսնու մահվանից հետո արդեն 8 տարի այստեղ մենակ է ապրում:

Տան հնություններից պահպանվել են միայն թոնիրն ու ջրհորը, մնացածը փոփոխության է ենթարկվել: Հայաստան տատիկը մեծերից Ջիվանու մասին պատմություններ շատ է լսել: Հիշում է նաեւ այն պատմությունը, թե Ջիվանին ինչպես է սկսել նվագել: