Ջոլիին թույլատրել են այցելել փախստականներին

Անջելինա Ջոլիին Թուրքիայի իշխանությունները թույլատրել են այցելել թուրք-սիրիական սահմանին գտնվող փախստականների վրանային ճամբարը: Այսօր երեկոյան դերասանուհին արդեն այնտեղ կլինի. տեղեկացնում են թուրքական ԶԼՄ-ները:

Իսկ Անկարայում արդեն երկրորդ օրն է, արտգործնախարար Ահմեդ Դավութօղլուի գլխավորությամբ, արտակարգ նիստ են անցկացնում մերձավորարեւելյան, արեւմտյան երկրներում եւ Ռուսաստանում հավատարմագրված թուրք դեսպանները: Նրանք քննարկում են, սիրիական հիմնախնդրի հետ կապված, Թուրքիայի դերի եւ ռազմավարության մշակման հարցերը:

Նախօրեին Թուրքիայի վարչապետ Ռեջեփ Թայիփ Էրդողանը Սիրիայի նախագահի հատուկ ներկայացուցիչ Հասան Թուրքմանիի հետ հանդիպման ժամանակ հայտարարել էր. «Պետք չէ սպասել, որ որեւէ մեկը կպաշտպանի հանցագործությունը: Մենք չեն ընդունում ժողովրդական ելույթները ճնշելու` սիրիական կառավարության մեթոդները»: