Թուրքիան ատամներով պահում է Հիդինկին

Թուրքիայի ֆուտբոլի ֆեդերացիան սպառնում է բողոք ներկայացնել ՖԻՖԱ-ին «Չելսիի» դեմ, եթե լոնդոնյան ակումբը չդադարի հետապնդել այդ երկրի ազգային հավաքականի գլխավոր մարզիչ Գուս Հիդինկին:

«Բազմաթիվ դեպքեր են եղել, երբ «Չելսին» ձեռք է բերել գործող պայմանագրեր ունեցող ֆուտբոլիստների, եթե նման բան կրկնվի, մենք բողոքով կդիմենք ՖԻՖԱ»,- ասել է ԹՖՖ նախագահ Մահմուտ Օզգեները: 

Իհարկե, Թուրքիան վախենում է կորցնել Հիդինկին: Գուցե Աբրամովիչը մարզչին ձեռք բերելու դեպքում համաձայնի նաև վերջինիս հասանելիք տուգանքը տալ, քանի որ Հիդինկը վաղաժամկետ հավաքականը լքելու համար ստիպված կլինի պայմանագրով նշված գումարը վճարել: