Հայաստանի նախագահն այցելել է "Պեպսի Կոլա Բոթլերս Հայաստան" գործարան

Հայաստանի նախագահ Սերժ Սարգսյանն այսօր այցելել է մայրաքաղաքի Քանաքեռ-Զեյթուն վարչական շրջանի տարածքում բացված «Ջերմուկ Ինթերնեյշնլ» ընկերության «Պեպսի Կոլա Բոթլերս Հայաստան» գործարան. տեղեկացնում է ՀՀ նախագահի մամուլի գրասենյակը:

Ժամանակակից չափանիշներին համապատասխան կառուցված և ամբողջությամբ ավտոմատացված, արդիական հոսքագծերով համալրված գործարանի բացման արարողությունից հետո հանրապետության ղեկավարը շրջայց է կատարել արտադրամասերում, ծանոթացել կարբոնացված քաղցրահամ ըմպելիքներ արտադրող այս գործարանի կարողություններին, զարգացման ծրագրերին:

Այդ ծրագրերի համաձայն` գործարանն առաջիկայում նախատեսում է տեղադրել բնական հյութի արտադրության նոր հոսքագիծ, որի արտադրատեսակները կիրացվեն ոչ միայն Հայաստանում, այլև կարտահանվեն հարևան և Միջին Ասիայի երկրներ: