Բրայզան էլ է ասում` ժամանակն է

Ժամանակն է համաձայնեցնել Ղարաբաղյան հակամարտության կարգավորման հիմնարար սկզբունքները. այսօր լրագրողների հետ հանդիպման ժամանակ հայտարարել է Ադրբեջանում ԱՄՆ դեսպան Մեթյու Բրայզան:

Ինչպես տեղեկացնում է ադրբեջանական Trend գործակալությունը, դիվանագետի խոսքերով` հիմնարար սկզբունքներով կդրվի խաղաղ համաձայնագրի հիմքը:

Հիշեցնենք, որ Դովիլում ԵԱՀԿ Մինսկի խմբում նախագահող երկրների ղեկավարները կոչ էին արել Հայաստանի եւ Ադրբեջանի նախագահներին` քաղաքական կամք դրսեւորել եւ ավարտել հիմնարար սկզբունքների համաձայնեցման աշխատանքները հունիսին կայանալիք հանդիպման ժամանակ: «Հետագա ձգձգումը հարցականի տակ կդնի կողմերի` համաձայնության հասնելու ցանկությունը»,- ասված է հայտարարության մեջ: