Ժխտումը քրեականացնող բանաձևի ընդունումը լավագույն տարբերակը չէր

Ֆրանսիայի Սենատը հավանաբար հաշվի է առել, որ Հայոց ցեղասպանության ժխտումը դատապարտող օրենք ընդունելը լավագույն տարբերակը չէ` ժխտումը դատապարտելու համար. համոզված է Հայաստանում Ֆրանսիայի արտակարգ եւ լիազոր դեսպան Անրի Ռենոն:

Լրագրողների հետ հանդիպման ժամանակ նա հիշեցրեց, որ Ֆրանսիան առաջին երկրներից էր, որն առանց երկմտանքի օրենքի ուժով ընդունեց Հայոց ցեղասպանությունը դատապարտող իրողությունը:

Թեեւ դեսպան նշեց, որ ինքը` որպես Ֆրանսիայի գործադիր մարմնի ներկայացուցիչ, իրավունք չունի մեկնաբանելու օրենսդիր մարմնի գործունեությունը, այնուհանդերձ, նշեց, որ հավանաբար Սենատը համարել է, որ առանց դրա էլ կան բավականաչափ միջոցներ` հետապնդելու Հայոց ցեղասպանության ժխտման ցանկացած դեպք:

«Արդարադատության նախարարը հստակ հանձնարարականներ է տվել` խստորեն հետապնդել Հայոց ցեղասպանության ժխտման ցանկացած դեպք»,- ասաց Անրի Ռենոն: