Օրենքը թող նախ կիրառեն, հետո կատարելագործեն

Կառավարությունը պետք է ինդեքսավորի կենսաթոշակները` կենսապահովման բյուջեին համապատասխան: Այսօր լրագրողների հետ հանդիպման ժամանակ տնտեսագետ Թաթուլ Մանասերյանն ասաց, որ համաձայն օրենքի` կենսաապահովման նվազագույն բյուջեի մեծությունը հիմք է նվազագույն աշխատավարձի եւ կենսաթոշակի չափերի սահմանման համար:

Դրան ի պատասխան` ԱԺ սոցիալական հարցերի մշտական հանձնաժողովի նախագահ Հակոբ Հակոբյանն ասաց, որ դա պարտադիր չէ կենսաթոշակները ինդեքսավորելու համար, եւ որ կենսաթոշակի չափը որոշվում է յուրաքանչյուր տարվա բյուջեն հաստատելիս: 

Թաթուլ Մանասերյան նշեց, թե այս առումով նախ պետք է ապահովել օրենքների կիրառելիությունը, հետո միայն մտածել այդ օրենքները փոփոխելու եւ  կատարելագործելու մասին: Ցավոք, խոսքը միայն այս մի օրենքի մասին չէ: