Ռադիոակտիվ հողը կփոխարինվի անվտանգով

Ճապոնիայի կառավարությունը գումարներ է հատկացնելու Ֆուկուսիմա նահանգի բոլոր մանկապարտեզների եւ դպրոցների հողը փոխելու համար. տեղեկացնում է ԻՏԱՌ-ՏԱՍՍ-ը:

Հունիսի սկզբից ռադիոակտիվ վարակվածության նոր չափումներ կիրականացվեն, ապա կսկսվի նոր գրունտի տեղադրումը` խորքային, քիչ վարակված հողաշերտերի հաշվին:

Պետական դպրոցները կստանան աշխատանքներն իրականացնելու համար անհրաժեշը ամբողջ գումարը, մասնավորները` կեսը: Մի շարք բնակավայրերում ֆինանսներ կտրամադրեն տեղական ինքնակառավարման մարմինները:

Այդ միջոցառումների շնորհիվ ճապոնացիները հույս ունեն նվազեցնել ռադիոակտիվ ճառագայթումը մինչեւ ժամում 1 միկրոզիվերտից ցածր մակարդակի: Սահմանված չափաբաժինը ժամում 0,05-0,2 միկրոզիվերտն է: