Հինգ տարի` դժոխային պայմաններո՞ւմ

Պարզվում է` հինգ տարի շարունակ Ուսամա բեն Լադենն ապրել է դժոխային պայմաններում: Պակիստանյան իշխանությունները  նույն առանձնատանը նրա հետ ապրած մարդկանց հարցաքննություններից տեղեկացել են, որ չորս պատերի մեջ փակված ահաբեկչի երեք կանայք անընդմեջ վիճաբանել են ու փնթփնթացել` նրան խելագարության հասցնելով:

Մի քանի ամիս շարունակ հետախույզ-արբանյակների միջոցով առանձնատանը հետևած ամերիկացիները  բեն Լադենին «շորորաքայլ ձի» մականունն են տվել, քանի որ նա, կանանց բողոքներից ու երեխաների բղավոցներից փախչելով,  անընդհատ զբոսնել է շենքի շուրջբոլորը:

Ըստ Պակիստանի ՆԳ նախարարի` պակիստանցիները նույնիսկ կատակում են` ասելով, թե բեն Լադենն ինքն է զանգահարել Կենտրոնական հետախուզական վարչություն և հայտնել իր գտնվելու վայր, որ ազատվի այդ սարսափելի իրավիճակից: