Ադրբեջանը ռազմական ոլորտում համագործակցելու է ԱՄԷ-ի հետ

Ադրբեջանը եւ Արաբական Միացյալ Էմիրայությունները համագործակցելու են ռազմական ոլորտում:

Ադրբեջանի պաշտպանական արդյունաբերության նախարարության հետ համագործակցության հարցերը քննարկելու համար Բաքվում է գտնվում ԱՄԷ-ի պատվիրակությունը՝ այդ երկրի զինուժերի գլխավոր շտաբի մատակարարման վարչության պետ, գեներալ Խալիֆա Մուհամեդ Սանի Էր Ռումեյսինիի գլխավորությամբ:  

"Արմենպրես"-ի փոխանցմամբ, ԱՄԷ-ի պատվիրակությունն այցելել է Ադրբեջանի պաշտպանական արդյունաբերութան նախարարության ձեռնարկություններ, այդ թվում՝ "Իգլիմ" գիտաարտադրական միավորում, Էլեկտրոնային հաշվողական մեքենաների գործարան, "Ռադիոգուրաշդիռմա" եւ "Տելեմեխանիկա" ձեռնարկություններ, որտեղ ծանոթացել է արտադրական գործընթացին: