ՀՐԱՊԱՐԱԿ. Արեւմուտքը պահանջ է դրել

Մեզ հասած տեղեկություններով` Արեւմուտքը Հայաստանի իշխանության առաջ հստակ պահանջ է դրել, որ ՀՀ հաջորդ խորհրդարանում չպետք է լինեն քրեական տարրերի հետ այս կամ այն կերպ ասոցացվող պատգամավորներ, ովքեր բիզնես կապերով կամ այլ կերպ սերտաճած են կրիմինալի հետ:

Որոշ տեղեկություններով` այս ցանկությունը ձեւակերպվել է ժամանակ առաջ եւ պարբերաբար հիշեցվում է ՀՀ բարձր իշխանության հետ հանդիպումների ժամանակ: Հակառակ պարագայում Արեւմուտքը կարող է կասկածի տակ առնել ընտրությունների արդար ընթացքը:

Ի դեպ, ՀՀ իշխանությունն այս առթիվ լուրջ խնդրի առաջ է, քանի որ կրիմինալի հետ ասոցացվող խորհրդարանականների պակաս ՀՀԿ-ում չկա: ԲՀԿ-ում նույնպես կան քրեական անցյալ ունեցող ու այժմ նրանց հետ ասոցացվող պատգամավորներ: