Այգում զբոսնելով` բանտում է հայտնվել

Գերմանական Հիլդեսհայմ քաղաքի մի բնակիչ, զբոսնելով այգում, կանանց բանտում է հայտնվել:

Տղամարդը որոշել է, որ բանտի դարպասները այգու ելքն է, եւ պատահաբար հայտնվել է, չգիտես ինչու, փակի տակ չգտնվող տարածքում: Նրա հետեւից դարպասները փակվել են, եւ միայն դրանից հետո է գերմանացին գիտակցել, թե ուր է ընկել:

Տղամարդու աղիողորմ ճիչերին արձագանքել է Հիլդեսհայմի քաղաքապետը, որը նույնպես զբոսնելիս է եղել այգում: Նա կանչել է ոստիկաններին, որոնք էլ դժբախտ «բանտարկյալին» ազատ են արձակել:

Ներկայումս տեղի իշխանությունները հետաքննություն են անցկացնում` պարզելու համար, թե ինչո՞ւ են բանտի դարպասները բաց եղել. տեղեկացնում է mignews.com-ը: