Ռուսաստանը արտաքսել է իսրայելցի լրտեսին

Իսրայելի պաշտպանության բանակի գնդապետ, Մոսկվայում Իսրայելի դեսպանության ռազմական կցորդ Վադիմ Լեյդերմանը ձերբակալվել, ապա արտաքսվել է Ռուսաստանից:

Ինչպես տեղեկացնում է «Ինտերֆաքսը», Լեյդերմանը պետական գաղտնի տեղեկություններ է հավաքել «հարցումներ իրականացնելու ճանապարհով»: Իսրայել վերադառնալով` նա հարցաքննության է ենթարկվել եւ հայտարարել, որ «ռուսները սխալ են մեկնաբանել իր պահվածքը»:

ՌԴ ԱԳՆ-ն դեռ չի մեկնաբանում Իսրայելի դեսպանության ռազմական կցորդի ձերբակալության ու արտաքսման փաստը, Անվտանգության դաշնային ծառայությունը` նույնպես:

Մինչդեռ Իսրայելի արտաքին գործերի եւ պաշտպանության նախարարությունները կտրականապես հերքում են լրտեսության մեղադրանքները: