Ադրբեջանը եւ Ուկրաինան համատեղ արտադրելու են հակատանկային հրթիռներ

Ադրբեջանը եւ Ուկրաինան համատեղ արտադրելու են «Սկիֆ» եւ «Բարիեր» հեռակառավարվող հակատանկային հրթիռներ. ըստ ադրբեջանական լրատվամիջոցների` տեղեկացրել է Ադրբեջանի ռազմական արդյունաբերության նախարար Յավեր Ջամալովը:

Ըստ նրա` նախ բանակցություններ են վարվել հարավաֆրիկյան Denel ընկերության հետ, սակայն, քանի որ վերջինիս պայմանները ձեռնտու չեն ադրբեջանական կողմին, բանակցությունները ձգձգվում են:

«Այդ հրթիռները կարող են տեղադրվել են ինչպես ուղղաթիռների, այնպես էլ մեքենաների վրա: Դա մեզ ձեռնտու է` որպես այլընտրանքային տարբերակ»,- ասել է նախարարը` հավելելով, որ մայիսի 17-18-ը նախարարության փորձագետները կլինեն Ուկրաինայում, կծանոթանան արտադրական գործընթացին, ապա պայմանագիր կստորագրեն հրթիռների համատեղ արտադրության վերաբերյալ: