Microsoft-ը համաձայնել է 8,5 մլրդ դոլար վճարել Skype-ի համար

Microsoft-ը համաձայնել է 8,5 մլրդ դոլար վճարել մեծ հեղինակություն վայելող` տեսազանգերի Skype ծառայության համար: Այդ մասին ժամեր առաջ Նյու Յորքում հայտարարել է Microsoft-ի ներկայացուցիչը:

Կորպորացիան վերահսկիչ փաթեթը գնում է eBay ինտերնետային աճուրդից եւ Silver Lake ու Andreessen Horowitz մասնավոր ներդրումային ընկերություններից:

Արդյո՞ք Skype-ի ղեկավարությունում վերադասավորումներ լինելու են, եւ արդյո՞ք ընկերությանը սպառնում է վերակառուցումը, չի տեղեկացվում:

Skype-ը ինտերնետային հետահաղորդակցության առաջատարներից է, գրանցված այցելուների թիվը 663 միլիոն է: Անցյալ տարի նրանք կատարել են 207 մլրդ զանգ եւ հեռակոնֆերանս:

Վերջին տարիներին ընկերության ֆինանսական ցուցանիշները զգալիորեն նվազել էին համակարգիչների եւ սմարթֆոնների տարածման պատճառով: Ենթադրվում է, որ նոր ղեկավարությամբ Skype-ը կվերադարձնի իր եկամուտները, իսկ Microsoft-ը` կորցրած դիրքը: