ՀՀԿ-ն ցանկանում է անդամագրվել Եվրոպական ժողովրդական կուսակցությանը

Հանրապետական կուսակցությունը ցանկանում է անդամագրվել Եվրոպական ժողովրդական կուսակցությանը: Այդ կապակցությամբ 2011թ. աշնանը Եվրոպական ժողովրդական կուսակցության պատվիրակությունը կայցելի Հայաստան:

Հայաստանի վարչապետ Տիգրան Սարգսյանը նշեց, որ անդամագրումը հնարավորություն կտա իրականացնելու բարեփոխումներ Եվրամիության հետ բարեկամության շրջանակներում: Իսկ Եվրոպական ժողովրդական կուսակցության նախագահ Ուիլֆրիդ Մարթենսը նշեց, որ իրենք շահագրգռված են արժանի զրուցակիցներ ունենալ այլ երկրներում:

«Կարեւորում եմ ձեզ մոտ ընթացող բարեփոխումները` ընտրական օրենսգրքի, խոսքի ազատության. կարեւորն այն է, որ կառավարությունը կամք է դրսեւորում բարեփոխումներ իրականացնելու»,- նշեց նա:

Եվրոպական ժողովրդական կուսակցությունը հիմնադրվել է 1976թ.,  39 երկրներում ունի 72 անդամ կուսակցություններ: