Ծեծի է ենթարկվել Советский спорт -ի թղթակիցը

 Մայիսի 1-ին Մոսկվայի հյուսիս-արևելքում ծեծի և կողոպուտի է ենթարկվել Советский спорт պարբերականի թղթակից Իվան Տարասենկոն: Հարձակվողները հետևից շշով հարվածել են լրագրողի գլխին և գողացել նրա պայուսակը, որում եղել են ձայնագրիչ, փաստաթղթեր և փոքր գումար:

Ինչպես հավաստիացնում է պարբերականը, հարձակումը կապված չէ լրագրողի մասնագիտական գործունեության հետ:

Դեպքի առնչությամբ հարուցվել է քրեական գործ և հանցագործները կպատժվեն մինչև 7 տարի ազատազրկմամբ: Տարասենկոյի առողջական վիճակը բժիշկները բավարար են գնահատում:

Վատ օրինակը վարակիչ է: Հիշեցնենք, որ օրեր առաջ էլ նույն բախտին էր արժանացել TF-ի լուսանկարիչ` Աշոտ Առուշանյանը, սակայն հարձակումն անմիջական կապ ուներ մասնագիտական գործունեության հետ: