Ձեռքերը լվացին, քաշվեցին մի կողմ

Արևմուտքը պետք է ձգտի կես տարվա ընթացքում վերջ տալ քաղաքացիական պատերազմին, քանի որ լիբիական նավթի` շուկա դուրս գալու հնարավորությունները թուլանում են. լրագրողների հետ հանդիպման ժամանակ ասաց ՀՀ ԳԱԱ արևելագիտության ինստիտուտի տնօրեն, թուրքագետ Ռուբեն Սաֆրաստյանը:

Նա չի հավատում, որ Լիբիայում ընթացող գործողությունները նոր համաշխարհային պատերազմի կհանգեցնեն:

«Եթե Արևմուտքի միջամտությունը չլիներ, Լիբիայի իշխանություններին կհաջողվեր ավելի շուտ վերացնել հակամարտությունը և նույնիսկ հաստատել իրենց իշխանությունը, բայց Արևմուտքի ներգրավվումը` որպես օժանդակող, երկարաձգում է քաղաքացիական պատերազմը»,- ասաց արեւելագետը:

Նա նաեւ նշեց, որ Չինաստանն ու Ռուսաստանը «ձեռքերը լվացին, քաշվեցին մի կողմ ու թողեցին, որ Արևմուտքն այդ խնդիրը լուծի»: