"Արարատը" ինտրիգների համար է

ՀՖՖ նախագահ Ռուբեն Հայրապետյանն այսօր մամուլի ասուլիսում խոսեց առաջնության և դրանում ծագած խնդիրների մասին:

«Հայաստանի առաջնությունը բավական լարված է ու հետաքրքիր: Որպես ֆեդերացիայի նախագահ` իմ նպատակը եղել է մարզերում ֆուտբոլը վերականգնելը: Սակայն «Արարատ» ակումբը առաջնությանը մասնակցելու համար չէ, այլ ինտրիգներ ստեղծելու համար է: Բոլորս էլ տեսնում ենք, թե ակումբն ինչով է զբաղված: Ցավալի է, որ 7 ակումբ պայքարում է, իսկ մեկը դուրս է եկել երամից և անհասկանալի  բաններով է զբաղված»,- ասաց նա:

Անդրադառնալով Արկադի Անդրեասյանի հետ կապված միջադեպին` Ռ. Հայրապետյանն ասաց, որ ֆեդերացիան դեռ որոշում չի կայացրել, և կոմիտեի նիստ չի գումարվել: