"Ցեղասպանություն" չասաց

ԱՄՆ նախագահ Բարաք Օբաման հայ համայնքին ուղղված ուղերձում դարձյալ չի օգտագործել «ցեղասպանություն» տերմինը` փոխարենն ասելով «Մեծ եղեռն»:

«Հիշում ենք 96 տարի առաջ 20–րդ դարի ամենամեծ հանցագործությունը եւ սարսափելի դեպքերը: 1915 թվականին Օսմանյան կայսրության տարածքում 1,5 միլիոն հայեր սպանվեցին կամ մահվան ուղարկվեցին:

Վիճելի պատմությունը ապակայունացնում է ներկան եւ ստվեր գցում զոհվածների հիշատակին: Անցյալի հետ հաշտվելը ապագայի համար ամուր հիմքեր գցելու հնարավորություն կտա»,- ասել է Օբաման:

Նա նշել է, որ աջակցում է ընդհանուր պատմությունն ընդունելուն ուղղված հայերի եւ թուրքերի համարձակ երկխոսությանը: «Հարգելով Մեծ  Եղեռնի զոհերի հիշատակը` պետք է կանխել նման կործանարար դեպքերի կրկնությունը»,- ասել է նա: