Խորհրդարանում քշել են չար ոգիներին

Ապրիլի 21-ի առավոտյան ղրղզ պատգամավորներն իրականացրել են խորհրդարանի շենքից չար ոգիներին քշելու արարողություն, հաղորդում է 24.kg լրատվական գործակալությունը։ Այդ նպատակով պատգամավորները զոհաբերություն են իրականացրել, մորթելով 7 ոչխար։ Հայտնի չէ, թե որտեղ են զոհաբերվել կենդանիները։ Խորհրդարանի խոսնակ Ախմատբեկ Կելդիբեկովը տեղեկացրել է, որ ծիսակատարության անցկացման համար ամեն պատգամավորի աշխատավարձից պահվել է 700 սոմ (մոտ 15 դոլար)։Գործիչը նշել է, որ հավաքված գումարի մի մասը ծախսվել է ոչխարների վրա, իսկ մնացած մասն ուղղվել է մանկատներին եւ ծերանոցներին։

Հայտնի չէ, թե արդյոք խորհրդարանում տիրող մթնոլորտը դեպի լավն է փոխվել։

Հետաքրքիր է, եթե նման մի արարողություն էլ   իրականացվի  մեր խորհրդարանում դրանից հետո քանի չար և չարաճճի  հոգի կմնա այդ շենքում: