Իսկ ուշացման համար ո՞վ է վճարելու

ՀՀ բանկային համակարգում վերջին մեկ ամսվա ընթացքում դրամական փոխանցումների կանխիկացման հետ կապված որեւէ տեխնիկական խնդիր չի արձանագրվել. սա ՀՀ Կենտրոնական բանկի պատասխանն է նախօրեին արած մեր հարցմանը:

Հիշեցնենք, որ ԱԺ ՀՀԿ խմբակցության պատգամավոր Տիգրան Արզաքանցյանին պատկանող «Գրեյթ Վելլի» ընկերության իրավաբանական հարցերով պատասխանատու Նիկոլայ Գասպարյանը օրերս հայտարարել էր` իբր խաղողի մթերման արդյունքում առաջացած պարտքերի մարումն ընկերությունը ժամանակավորապես դադարեցրել էր` դրամական փոխանցումների կանխիկացման հետ կապված տեխնիկական խնդիրների պատճառով:

Ի դեպ, եթե հավատանք Արզաքանցյանի ներկայացուցչին, ապա ընկերությունն արդեն մի քանի օր է, ինչ սկսել է մարել խաղողի մթերման արդյունքում առաջացած պարտքերը:

Մինչդեռ Արարատի մարզի բազմաթիվ բնակիչներից «Գրեյթ Վելլի»-ին նախորդ տարի խաղող էր մթերել եւ կնքել պայմանագիր, ըստ որի` պարտքերը պետք է մարեր 6-ամսյա ժամկետում: