Ամսագրերը բաժանորդագրում են iPad-ով

Հրատարակչական ընկերությունների եւ Apple Inc.-ի հարաբերությունները շարունակում են սառը մնալ, սակայն ավելի շատ ամսագրեր են սկսել բաժանորդագրություններ կազմակերպել iPad-ով:

Bloomberg Businessweek-ն արդեն սկսել է բաժանորդագրել iPad տարբերակով. մեկ համարի գինը 2.99 դոլար է: Ինչպես հաղորդում է The Wall Street Journal-ը, մինչ այս արդեն իսկ այս գործընթացին միացել էին հայտնի ամսագրեր Elle-ն ու Maxim-ը:

Իսկ Hearst Magazines ընկերության նախագահ Դեյվիդ Քարեյն իր հարցազրույցներից մեկում ասել է, որ ինքը լավատես է եւ, որպես երկրի երկրորդ խոշոր ամսագրերի հրատարակչություն, այս տարի մի ելք կգտնի iPad-ի հետ համագործակցելու համար: