Տոկիոն մտադիր է օլիմպիական քաղաք դառնալ

Տոկիոն մտադիր է հայտ ներկայացնել 2020-ի օլիմպիադան անցկացնելու վերաբերյալ: Ենթադրվում է, որ դա կարող է օգնել ավերիչ երկրաշարժից և ցունամիից տուժած երկրի վերականգնմանը: Այս մասին հայտարարել է Տոկիոյի քաղաքապետը:

«Թեեւ դեռ տասը տարի կա, բայց մենք կարող ենք սկսել նախապատրաստական աշխատանքները: Եթե մենք ջանասիրաբար աշխատենք, ապա մեծ օժանդակություն կունենանք մեր երկրի վերականգնման համար»,- ասել է Սինտարո Իսիհարան:

Հայտերը պետք է ներկայացվեն Միջազգային օլիմպիական կոմիտե` 2011 թվականի սեպտեմբերի 1-ից սկսած: Օլիմպիադայի անցկացման վայրի համար քվեարկությունը տեղի կունենա Բուենոս Այրեսում` 2013 թվականի սեպտեմբերին:

2020-ի օլիմպիական խաղերն անցկացնելու ցանկություն են հայտնել Բեռլինը, Հարավկորեական Պուսանը, Դոհան, Քեյփթաունը, Հռոմը և Ստամբուլը: