Խուսափել են վիճահարույց բառերից

Երեկ ԵՐԿԻՐ-ը տեղեկացրել էր, որ Եվրախորհրդարանում քննարկման է դրվել Եվրոպական hարեւանության քաղաքականությունն ամփոփող բանաձեւ:

Նշել էինք, որ փաստաթղթի նախագծի 47-րդ կետով Եվրախորհրդարանը ԵՄ բարձրաստիճան պաշտոնյաներին կոչ է անում ակտիվացնել ջանքերը` ուղղված, մասնավորապես, ԼՂ հակամարտության կարգավորմանը՝ ուժի չկիրառման, ժողովուրդների ինքնորոշման եւ տարածքային ամբողջականության սկզբունքների հիման վրա:

Իսկ նախագծի 48-րդ կետում եվրոպացի օրենսդիրները նախատեսում էին նորարարական մոտեցումներ ցուցաբերել եւ շփումներ հաստատել չճանաչված պետությունների փաստացի իշխանությունների եւ հասարակությունների հետ:

Սակայն Եվրախորհրդարանի լիագումար նիստում  քննարկումներից հետո պատգամավորները որոշել են նախագծից հանել «փաստացի իշխանություններ» բառերը: