Եվրախորհրդարանը կոչ է անում կապեր հաստատել չճանաչված պետությունների հետ

Այսօր Եվրախորհրդարանը ձայների ճնշող մեծամասնությամբ ընդունել է Եվրոպական hարեւանության քաղաքականությունն ամփոփող բանաձեւ:

Փաստաթղթի 47-րդ կետով Եվրախորհրդարան ԵՄ բարձրաստիճան պաշտոնյաներին կոչ է անում ակտիվացնել ջանքերը` ուղղված Մերձդնեստրյան եւ Հարավային Կովկասի ձգձգված հակամարտությունների կարգավորմանը՝ միջազգային իրավունքի սկզբունքների, մասնավորապես՝ ուժի չկիրառման, ժողովուրդների ինքնորոշման եւ տարածքային ամբողջականության սկզբունքների հիման վրա:

Բանաձեւի հաջորդ` 48-րդ կետով եվրոպացի օրենսդիրները նախատեսում են նորարարական մոտեցումներ ցուցաբերել եւ շփումներ հաստատել չճանաչված պետությունների փաստացի իշխանությունների ու հասարակությունների հետ՝ քաղաքացիական մշակույթին եւ երկխոսությանը աջակցելու համար: