Աշխարհի վերջին սպասողները

Միացյալ Նահանգներում կտրուկ աճել է բունկերների եւ տարբեր ապաստարանների պահանջարկը: Դրանց գները բարձրացել են 20- 100- տոկոսով` կախված անվտանգության մակարդակից եւ կառուցվածքից. տեղեկացնում է ամերիկյան Time պարբերականը:

Դա պայմանավորված է Ճապոնիայում մարտի 11–ին տեղի ունեցած երկրաշարժով եւ դրան հաջորդած ցունամիով, որոնց հետևանքով վթարի ենթարկվեցին երկրի ատոմակայանները:

«Տասնյակ միլիոնավոր մարդիկ հավատում են աշխարհի հնարավոր վերջին, այդ թվում՝ երկրաշարժերի, փոթորիկների, համաշխարհային մասշտաբների հասնող տարերային աղետների, հատկապես` Մերձավոր Արևելքին առնչվող աղետների արդյունքում»,- կարծիք է հայտնել Հարավային Կալիֆոռնիայի համալսարանի պրոֆեսոր Սթիվեն Օ Լիրին: