MySpace-ը կորցնում է օգտագործողներին

Ի տարբերություն Facebook-ի, որի օգտագործողների թիվն ավելանում է, MySpace-ը փետրվարի կեսից մինչեւ մարտի կեսն ընկած ժամանակահատվածում կորցրել է տասը միլիոն ակտիվ օգտագործողի:

«Թելեգրաֆը» գրում է, որ MySpace-ի օգտագործողների թիվը 73 միլիոնից իջել է 63 միլիոնի, մինչդեռ նախորդ տարի այս ժամանակ նրանց թիվը 95 միլիոն էր:

Ֆինանսական կորուստների պատճառով կրճատումներ են եղել նաեւ MySpace-ի աշխատակազմում. 450 հոգանոց թիմից մնացել են ընդամենը 150-ը:

Սոցիալական այս ցանցի սեփականատեր News Corporation-ը փորձում է վաճառել օր-օրի թուլացող կայքը, թեեւ հույս ունի, որ այն կվերակենդանանա իր յուրօրինակ ծառայությունների շնորհիվ` ուշադրության կենտրոնում ունենալով ժամանցային բովանդակությունը:

Փորձագետները նշում են, որ ավելի ճիշտ կլինի, սոցիալական այս ցանցը վաճառել մինչեւ դրա «վերակենդանացումը»: News Corporation-ը 2008-ին MySpace-ը գնել էր 580 միլիոն դոլարով: