Տոկիոյում խուճապ է

Ավերիչ երկրաշարժից տուժած Ճապոնիային հիմա էլ ռադիացիոն լուրջ վտանգ է սպառնում: Մայրաքաղաք Տոկիոյում խուճապ է:

«Ֆուկուսիմա-1» ատոմակայանի երկու ռեակտորներում այսօր տեղի ունեցած  պայթյունների հետեւանքով վնասվել է դրանց թաղանթը, հնարավոր է` ռադիացիայի արտահոսք:

Ճապոնացի գիտնականների շտապ հավաք է հայտարարվել, նրանք քննարկելու են ատոմակայանից դեպի Տոկիո շարժվող ռադիոակտիվ քամուց պաշտպանվելու միջոցները. տեղեկացնում է «Կիոդո» գործակալությունը:

Ըստ որոշ տվյալների` Տոկիոյի եւ Ֆակուսիմայի միջեւ գտնվող Իբարաքի քաղաքում ռադիացիոն ֆոնն արդեն գերազանցում է նորմայի սահմանները:

Ճապոնիայի կառավարության տարածած հայտարարության մեջ Ֆուկուսիմայից 20-30 կմ հեռավորությամբ բնակվողներին կոչ է արվում փակել տների դռներն ու պատուհանները եւ դուրս չգալ փողոց: