Պետք է իմանան իրենց իրավունքներն ու պարտականությունները

Թեեւ համատիրությունները բնակիչների կողմից կամավոր ստեղծված կառույցներ են և իրենց գործառույթներով հորիզոնական հարաբերություններ ունեն քաղաքապետարանի հետ, այնուամենայնիվ, վարչական շրջան-համատիրություն փոխգործակցված աշխատանքը պարտադիր պայման է. նշել է Երևանի քաղաքապետ Կարեն Կարապետյանը` հերթական աշխատանքային խորհրդակցության ժամանակ անդրադառնալով համատիրությունների գործունեությանն ու խնդիրներին:

Քաղաքապետը շեշտել է, որ ամբողջ գործընթացը` սկսած գումարների հավաքագրումից մինչև արդյունավետ տնօրինումը, պետք է վերահսկեն շենքերի բնակիչները: Ըստ Կ. Կարապետյանի`թերացումների զգալի մասի պատճառն այն է, որ մայրաքաղաքի շատ բազմաբնակարանների սեփականատերեր լիարժեք տեղեկացված չեն իրենց իրավունքների և պարտավորությունների մասին, ուստի հարկ է առավել ինտենսիվ աշխատանք տանել այդ ուղղությամբ: