"Ակօսը"` Թուրքիայի խորհրդարանում

Թուրքիայում լույս տեսնող «Ակօս» երկլեզու (թուրքերեն եւ հայերեն) շաբաթաթերթը, այսուհետ ներկայացված կլինի Թուրքիայի Ազգային մեծ ժողովի գրապահոցում: Այդ նախաձեռնության հեղինակը քրդամետ «Խաղաղություն և ժողովրդավարություն» (ԽԺԿ-BDP) կուսակցության պատգամավոր Ուֆուք Ուրասն է:

Շուրջ 15 տարի հրատարակվող պարբերականի տպաքանակն այսօր հասնում է 5 հազարի: Թուրքական «Միլիեթ»-ի տեղեկացմամբ`հայկական համայնքում «Ակօս»-ն ամենապահանջված պարբերականն է, որի խմբագրապետի աշխատանքները ներկայումս իրականացնում է Ռոբեր Քոփթաշը:

Նույն թերթը նաեւ տեղեկացնում է, որ այսօր Թուրքիայի Ազգային մեծ ժողովի գրապահոցում սկսել են արխիվացվել «Ակոսի»` 2006-ից մինչ օրս հրատարակված բոլոր համարները: