Ռուսաստանը ոսկու գերհսկա հանք ունի

Չուկոտկայի «Պեսչանկա» հանքավայրի ոսկու պաշարները, նախնական հաշվարկներով, մոտ 1600 տոննա են, իսկ պղնձինը` 27 միլիոն տոննա: Այս մասին ՌԴ վարչապետ Վլադիմիր Պուտինին ասել է ՌԴ Չուկոտկայի նահանգապետ Ռոման Կոպինը:

«Այսպիսի պաշարներով այն հնարավորություն ունի դառնալու գերհսկա հանքավայրերից մեկը, որը մեծ նշանակություն կունենա ոչ միայն Ռուսաստանի, այլեւ ողջ աշխարհի համար: Այն կարող է ընդգրկվել աշխարհի խոշորագույն հանքավայրերի հնգյակում»,- ասել է Կոպինը:

Նահանգապետի խոսքերով` արդեն երկու տարի է ներդրումներ կատարողները աշխարհագրական հետազոտություններ են կատարում հանքավայրում. նախատեսվում է, որ 2011 թվականին հանքավայրը կսկսի շահագործվել. հաղորդում է Прайм-ТАСС-ը: