ԵՐԿԻՐ. Լֆիկը` "Հայկական ժամանակի" բարեկամ

Ինչպես հայտնի է, ընդհանուր իրավասության դատարանը բավարարեց ԱԺ երեք օլիգարխ պատգամավորների հայցն ընդդեմ «Հայկական ժամանակ» օրաթերթի: Վերջինս պետք է նրանցից յուրաքանչյուրին ավելի քան 2 մլն դրամ տուգանք վճարի` իբրեւ հասցված բարոյական վնասի փոխհատուցում:

Բայց ահա նրանցից մեկը` Սամվել Ալեքսանյանը` Լֆիկ Սամոն, ինչպես երեւում է, այլ հաշվարկներ էլ ունի: Մեր տեղեկություններով` նա զանգահարել է «Հայկական ժամանակի» խմբագրություն եւ «Ոսկե ցլիկը» հայտնի ֆիլմի հերոսի նման փորձել է արդարանալ. ես չէի ուզում, ես ակամա, ինձ ստիպեցին: Ավելին` երեսփոխանին հատուկ «մեծահոգություն» դրսեւորելով` նա խոստացել է, որ երբ օրաթերթը պարտավորությունը կատարի ու գումարը տա, ինքն այն ետ է վերադարձնելու թերթին: