Ավագանու նիստը դարձյալ չի կայացել

Այսօր  Իջեւանի ավագանու նիստը դարձյալ չի կայացել: Ներկա է եղել ավագանու ընդամենը երկու անդամ` քաղաքապետի եղբայրն ու քարտուղարուհու ազգականը:

Իջեւանում դեռ չգիտեն, թե ինչ է լինելու հետո:

Այսօր խնդրի մասին դարձյալ խոսել են ԱԺ-ում: ՀՅԴ խմբակցության պատգամավոր Արծվիկ Մինասյանի հարցին ի պատասխան` ՀՀ փոխվարչապետ, տարածքային կառավարման նախարար Արմեն Գևորգյանն ասաց, թե տեղյակ է խնդրին:

«Ըստ օրենքի՝ ավագանու լիազորությունների դադարեցումը տեղի է ունենում միայն ավագանու հերթական նիստում, որ ընդունվի։ Իսկ քանի որ մինչև հիմա նոր նիստ ավագանին չի գումարել, և այսօրվա նիստն էլ տեղի չի ունեցել, որովհետև ներկա են եղել  ավագանու ընդամենը 2 անդամ, այս իրավիճակն է ստեղծվել»,- ասաց նա։