Գվարդիոլան կմնա մինչև 2012-ը

Խոսեպ Գվարդիոլան հարազատ ակումբի ղեկավարության հետ համաձայնության է եկել պայմանագրի երկարաձգման հարցում: Նոր պայմանագիրը նախատեսված է մինչև 2012-ը:

Ինչպես նշում է կատալոնացիների պաշտոնական կայքը, կողմերն առաջիկա օրերին կստորագրեն պայմանագիրը: Գվարդիոլան թիմը գլխավորեց 2008 թ. ամռանից: Առաջին մրցաշրջանի արդյունքներով` Պեպի թիմը հաղթել է բոլոր մրցաշարերը, որոնց մասնակցել է:

Երկրորդ մրցաշրջանում կատալոնացիները հաղթեցին երկրի առաջնությունը և երկրի սուպերգավաթը: Ընդհանուր առմամբ, «Բարսելոնան» Գվարդիոլայի հետ 10 հնարավոր մրցանակից շահեց 8-ը:

Ընթացիկ մրցաշրջանում կատալոնացիները գերազանցել են Մադրիդի «Ռեալի» ռեկորդը Պրիմիերայում տոնած հաղթանակների հաշվով (16): Դրանից բացի` նրանք հասել են նաև Չեմպիոնների լիգայի play off և Իսպանիայի գավաթի եզրափակիչ: