Եթե գաղափարը չի մնում` հանրահավաքները հրավառության են նման

Ժողովուրդը Տիգրան Կարապետիչի հանրահավաքներին գնում է, որովհետեւ դժգոհ է իրավիճակից. այսօր լրագրողներին ասել է ՀՅԴ ԳՄ ներկայացուցիչ Արմեն Ռուստամյանը ի պատասխան հարցին, թե դա չի՞ խոսում, արդյոք, ՀՅԴ-ի պասիվության մասին:

«Ձեզ թվում է` աշխատա՞նք չէ` բոլորին համոզել, բացատրել ընտրական իրավունքի կարեւորությունը: Մեծ հանրահավաքներ ինչքա՞ն եք տեսել, ժողովուրդ` տասնյակ հազարներով: Իսկ եթե գաղափարը չի մնում, այդ մեծ հանրահավաքները հրավառության նման կբոցավառվեն ու կանցնեն: Ես էլ կարող եմ գալ, ժողովրդի առաջ կանգնել, իրան գովել, իրա բոյին ու բուսաթին մեռնել, թողնել-գնալ, հետո՞»,- ասել է դաշնակցական գործիչը:

Դաշնակցությունն առաջարկում է, որ ժողովուրդը նախ տեր կանգնի իր ընտրական իրավունքին` դրանով տեր կանգնելով իր ընտրած իշխանություններին: