"Դոմոդեդովո"-ի պայթյունը Դոկու Ումարովի ձեռքի գործն է

Չեչեն գրոհայինների առաջնորդ Դոկու Ումարովը ստանձնել է հունվարի 24-ին Մոսկվայի «Դոմոդեդովո» օդանավակայանում պայթյունի պատասխանատվությունը: Այս հայտարարությունը նա արել է ինտերնետում տեղակայված տեսաուղերձում:

Ահաբեկչի խոսքերով՝ տեսագրությունը եւս արվել է հունվարի 24-ին՝ օդանավակայանում ահաբեկչության իրականացումից հետո: Ուղերձում Ումարովն ընդգծել է, որ հատկապես ինքն է հրաման տվել այդ գրոհի մասին, եւ որ նմանօրինակ գործողությունները շարունակվելու են նաեւ հետագայում:

Հիշեցնենք, որ ահաբեկչությունը «Դոմոդեդովո»-ի ինքնաթիռների միջազգային ժամանումների սրահում տեղի ունեցավ հունվարի 24-ին: Զոհվեց 36 հոգի, հիվանդանոց տեղափոխվեց ավելի քան 120 տուժած: